कोरोनाबाट मृत्यु भएका सिरहाका युवकको सेनाले गर्यो अन्त्येष्टि

न्यूज ब्यूरो, सिरहा । कोरोना संक्रमणबाट मृत्यु भएका सिरहाका युवकको अन्तिम संस्कार गरिएको छ ।

कोरोनाबाट ज्यान गुमाएका गोलबजार नगरपालिका १२ का २३ वर्षीय अशोक महतोको शव नेपाली सेनाले व्यवस्थापन गरेको हो ।

मृतक युवकको दुवै किड्नीमा समस्या थियो । उनी नियमित डाइलासिस गराउँदै आएका थिए । डाइलासिस गराउने क्रममा जनकपुरमा उनको स्वाब संकलन गरिएको थियो ।

तर, बुधबार पीसीआर रिर्पोट पोजेटिभ देखिएपछि उनलाई धरानमा उपचारका लागि पठाइएको थियो । उपचारकै क्रममा उनको शुक्रबार मृत्यु भएको हो ।

धरानबाट सिरहा ल्याएर सेनाद्धारा शव व्यवस्थापन गरिएको जिल्ला स्वास्थ्य कार्यालय सिरहाका प्रमुख कृष्णदेव यादवले जानकारी दिए ।

सिरहामा कोरोना संक्रमणबाट मृत्यु हुने अशोक पहिलो व्यक्ति हुन् ।