मिर्चैया : बाल यौन दुर्व्यवहारको आरोपमा एक पक्राउ

न्यूज ब्यूरो, सिरहा । सिरहामा बाल यौन दुर्व्यवहारको आरोपमा एक जनालाई प्रहरीले पक्राउ गरेको छ ।

मिर्चैया नगरपालिका ७ का इशु शेख बालिकालाई पैसाको लोभ देखाइ यौन दुर्व्यवहार गरेको आरोपमा पक्राउ परेका हुन् । प्रहरीका अनुसार, शेखले बालिकालाई २० रुपैयाँ दिएर यौन दुर्व्यवहार गरेका हुन् ।

करणी गर्न खोज्दा बालिका चिच्याएपछि स्थानीयहरुले बालिकाको उद्धार गरेका थिए । पीडित बालिकाको अभिभावकले शेखविरुद्ध इप्रका मिर्चैयामा मौखिक उजुरी गरेपछि प्रहरीले उनलाई पक्राउ गरेको हो ।

आरोपित शेखलाई नियन्त्रणमा राखेर थप अनुसन्धान भइरहेको जिल्ला प्रहरी कार्यालय सिरहाले जनाएको छ ।