जनकपुरः ट्राफिक प्रहरीलाई घुस दिने पटेल पक्राउ

न्यूज ब्यूरो, जनकपुरधाम । ट्राफिक प्रहरीलाई घुस दिन खोज्ने एक व्यक्तिलाई जिल्ला प्रहरी कार्यालय धनुषाले पक्राउ गरेको छ ।

आज (शनिबार) करिब १ः५० बजेको समयमा धनुषाको लक्ष्मीनियाँ बजार स्थित खटेको ट्राफिक प्रहरीलाई घुस दिन खोज्ने सर्लाहीका विश्वास पटेललाई पक्राउ गरिएको हो ।

सर्लाहीबाट जनकपुर तर्फ आउँदै गरेको बिआर ०६ पिई ०६५८ नम्बरको स्कोरपियो गाडीलाई सँयुक्त चेकजाँचको क्रममा गाडीको भन्सार नभएको खण्डमा रोकिएको थियो । सो क्रममा सर्लाही जिल्लाको ईश्वरपुर नगरपालिका वडा नं. ९ बयलवास बस्ने अन्दाजी बर्ष ३० का पटेलले २ हजार रुपैयाँ घुस दिन खोजेका थिए ।

ट्राफिक प्रहरीलाई गाडी छाडिदिनको लागि पटेलले साईडमा लगेर २००० हजार रुपैयाँ अफर गरेपछि प्रहरीले रुपैयाँ सहित पक्राउ गरी जिल्ला प्रहरी कार्यालय धनुषामा ल्याएको हो ।