नदिमा हराईरहेका दुई बालिका मध्ये एकको लास फेला, अर्को अझै बेपत्ता !

न्यूज ब्यूरो, रौतहट । रौतहटमा हिजो (शनिबार) देखि नै हराएकी दुई बािलकामध्ये एक बालिकाको लास (शव) फेला परेको छ भने अर्की अझै बेपत्ता रहेकी छन् ।

रौतहट जिल्लाको भकुवा नदीमा शनिबारदेखि हराईरहेका दुई बालिका मध्ये एक जनाको शव आज बिहान फेला परेको छ । हिजो शनिबार साँझ ४ बजेदेखि ती दुई बालिका नदिमा हराईरहेकी थिईन् ।

प्रहरी लाई अभिभावकले खबर गर्ने लगत्तै खोजतलासमा जुटेको थियो । सोहि क्रममा आईतबार (आज) बिहान करिब ९ बजे शव भेला परेको प्रहरीले जनाएको छ ।

फतुआ विजयपुर नगरपालिका वार्ड नम्बर २ सितलपुर निवासी रामअयोध्या प्रसाद यादवको दुई छोरीहरू वर्ष १० कि मनिषा कुमारी यादव र वर्ष १२ कि पुजा कुमारी यादव हराएकि थिईन् ।

दुई जना मध्ये मनिषा को शव फेला परेको हो भने पुजा अझै वेपता छिन । एलकेजि र युकेजिमा अध्यनरत ती दुई बालिका को परिवार अहिले शोकमा डुबेको छ । घटना स्थलमा ईप्रका मौलापुर र फतुआ विजयपुरको टोली पुगेको थियो ।

हराईरहेको बालिकाको खोजतलास भईरहेको र शव लाई पोष्ट मार्टम को लागि जिल्ला अस्पताल गौरमा पठाउने तयारी भईरहेको फतुआ विजयपुरका ईन्सपेकटर चन्द्रकिशोर साहले जानकारी गराएका हुन् ।

शनिबार मात्रै रौतहटको माधव नारायण नगरपालिका वडा नम्बर १ दिपही मा पानीमा डुबेर नितेश महतो को २ बर्षको छोरी पुजा महतोको घर आगाडीको पानीमा डुबेर ज्यान गएको थियो ।

पानीको निकास नहुदा वालिका डुबेको वताईएको थियोे । यसरी पानीमा डुबेर बालबालिकाको मृत्युु हुनेको संख्यामा बढ्न थाले पछि आफनो बालबालिकाहरू लाई निगरानी गर्न ईप्रका गरूडाका डिएसपी ज्ञानकुमार महतोले सबै जनमानसमा अनुरोध गरेका छन् ।