नेपाल-भारतको बोर्डर नजिकै बीरगँजमा विशाल 'राष्ट्रिय ध्वज' लहराइए, कति छ उचाई ?

न्यूज ब्यूरो, जनकपुरधाम । गेट वे अफ नेपाल भनेर चिनिने आर्थिक नगरी बीरगँजमा विशाल झण्डा टहरा लगाइएको छ । सो झण्डाको उचाई १ सय १० फिट रहेको जनाइएको छ ।

प्रदेश नं. २ को पर्सा जिल्लाको निर्वाचन क्षेत्र नं. १ का प्रतिनीधि सभा सदस्य प्रदीप यादवले सो झण्डा लगाएका हुन् । नेपाल–भारतको मुख्य ब्यपारिक नाका तथा प्रमुख थलो प्रवेश बिन्दुमा साँसद विकाश कोषबाट ११० फिटको खम्बामा चन्द्र सूर्य अँकित नेपालको झण्डा फहराइएको छ ।

पर्सा निर्वाचन क्षेत्र नं. १ को बिकास कोषबाट १ सय १० फिट अग्लो राष्ट्रिय ध्वजाको स्तम्भ साँसद यादवले शुक्रबार(आज) एक समारोहबीच फहराएका हुन् ।

“सम्पुर्ण नेपालीको स्वभिमानको रुपमा रहेको चन्द्र सुर्य अंकित हाम्रो राष्ट्रिय झण्डा मैले सीमा नजिकै लगाएर नेपाल गर्वानुभुति गरिरहेको छुँ । मधेसीको निष्ठामाथी राष्ट्रवादको सवालमा बारम्बार अनुचित शंका उठाउने मनस्थितीलाई संक्षिप्तमा मैले उत्तर दिने प्रयास पनि गरेको हुँ ।”– साँसद यादवले आफ्नो फेसबुकमा लेखेका छन् ।

उनले देशभक्त मधेसी समुदायबाट प्रतिनिधित्व गर्ने आफूले सदैव मुटुमा राष्ट्रियता बोकेको बताएका छन् । जहिले पनि मधेशी र मधेशको सबालमा राष्ट्रियता उपर प्रश्न खडा गर्नेको लागि विशाल राष्ट्रिय ध्वजले शितलता प्रदान गर्ने बताए ।

सो क्रममा उनले भने, –“हामी मधेशी यो देशको असली राष्ट्रवादी र असल राष्ट्रभक्त हौं, राष्ट्रियता देखाउनको लागि मधेशी समुदायले सधै अग्नी परिक्षा दिनुपर्ने र ? आज आफ्नो देशको यत्रो विशाल झण्डा, ध्वज नेपाल भारतको सीमा नजिकै लहराएर गौरवान्ति महसुस गरेको छु ।”

देशको राजधानी काठमान्डौंको माईतीघर मण्डला स्थित पनि विशाल राष्ट्रिय ध्वज लहराइएको छ भने दोस्रो प्रदेश नं. २ को वीरगँजमा त्यो भन्दा पनि ठुलो उचाईको राष्ट्यि ध्वज फहराइएको छ ।

---

(न्यूज ब्यूरो टिम आफ्नो देशको झण्डा अगाडी नतमस्तक र गौरवान्ति महसुस गरेको छ ।)