अड्डा टु अड्डाः गणेशमान चारनाथ नपामा बिना विज्ञापनकै कर्मचारी भर्ना

न्यूज ब्यूरो, जनकपुरधाम । धनुषाको गणेशमान चारनाथ नगरपालिकामा कानुन बिपरित एक प्राबिधिक कर्मचारी नियुक्ति गरेको खुलेको छ ।

करिब चार पाँच महिना देखि प्राबिधिक तर्फ सव–इन्जिनियर अजय कुमार रायले नगरपालिकामा काम गर्दै आइरहेका छन् ।

बिना सूचनाकै कर्मचारी नियुक्ति भएको थाहा पाए लगत्तै मेयर राम बाबु यादवले कस्ले र कसरी नियुक्ति गरे हामीलाई केहि जानकारी नभएको प्रतिक्रिया दिएका छन् ।

उनले भने,–“थाहा पाएलगत्तै मैले उपमेयर, प्रमुख प्रशासकीय अधिकृत र इन्जिनियर, तेस्तै लेखा समेतलाइ बोलाएर यस बारे स्पष्टीकरण माग गरेको छु।
तर अहिलेसम्म पनि स्पष्टीकरण दिएको छैन ।”

यता, उपमेयर मिना कुमारी यादवले समेत आफूलाई यसबारे केही जानकारी नभएको बताएकी हुन् । “चार महिना देखि नगरपालिकामा काम गरिरहेका छ। कुन हिसाबले काम गरेको छ। त्यो मलाई पनि थाहा भएन । तर जसले पनि कानुन विपरित यो कार्य गरेको छ । कानुनी कार्वाही हुनुपर्छ ।”

गणेशमान चारनाथ नगरपालिकामा भने प्रमुख प्रशासकीय अधिकृत मित्रप्रसाद काफ्ले र इन्जिनियर लखनदेव यादव, लेखापाल शिव नारायण साहको मिलोमतोमा गैरकानुनी रुपमा कर्मचारी नियुक्ति गरेको स्थानीयहरुले आरोप लगाएको छ ।

यता, सो सन्दर्भमा बोल्दै ईन्जिनीयर लखनदेव यादवले आकस्मिक रुपमा उनलाई नियुक्ती गरिएको प्रतिक्रिया दिएका छन् । कार्यालयलाई कर्मचारी अभाव भएको बेला १ लाख रुपैयाँ भित्रमा रहेर कर्मचारी निर्णय अनुसार राखिएको बताए ।

विकास निर्माणका लागि कर्मचारीको अभाव भएको बेला ३ महिना अर्थात गत चैत्तदेखि असार अन्तिमसम्मको लागि प्रमुख प्रशासकीय अधिकृतको निर्णय अनुसार कर्मचारी नियुक्ती गरिएको प्रतिक्रिया दिएका छन् ।

एक वर्षका लागी मात्र सहमतिमा दैनिक ज्यालादारी उक्त सब इन्जिनियरलाई राखेको बताए । यता, प्रमुख प्रशासकीय अधिकृत मित्रप्रसाद काफ्ले संग प्रतिक्रिया लिन खोज्दा केही जवाफ दिन मानेनन् ।