सबैला नगरपालिकाका अधिकृत भट्टले मेयर-उपमेयर लडाए !

न्यूज ब्यूरो, जनकपुरधाम । धनुषाको सबैला नगरपालिकाका प्रमुख प्रशासकीय अधिकृत यज्ञराज भट्टले जनप्रतिनीधिहरुबीच विवाद उत्पन्न गराएका छन् ।

विकास निर्माण कार्यमा अझै पछाडी रहेको सबैला नगरपालिकाका अधिकृत भट्टले उपमेयरलाई दिएको गाडी खोसेपछि विवाद झन चुलिएको हो । नगरकी उपमेयर निलु देवी कापरको लागि किनिएको लाखौंको गाडी अधिकृत भट्टले कब्जा गरेपछि विवाद चुलिएको हो ।

नगरका मेयर विजय शंकर प्रसाद साहले उपमेयर कापरलाई बायकट गरी योजनाहरु चलाएको आरोप लगाउँदै उपमेयर कापरले अधिकृत भट्टले नै आफ्नो गाडी लिएपछि आफूलाई समस्या भएको बताएकी छन् ।

जनप्रतिनीधिमा उपमेयरले पनि योजना, बजेट चलाउने भएपनि मेयर साहले अधिकृत भट्टसँग मिलेर एक्लौटी रुपमा कार्य सँचालन गरेको आरोप लगाएकी छन् । कोरोनाको बहानामा मेयर साह र अधिकृत भट्टले अनियमितता गरेको आरोप एक स्थानीयले लगाए ।

उनले भने, –“कोरोनाको महामारीमा पनि यिनीहरुले जनताको हित चाहेनन् । अधिकृत प्रशासनीक रुपमा सबै कागजात मिलाए भने मेयरले कारोनाकै नाममा खरिद गएको समाग्रीको दोब्बर हिसाब गरेको हुनुपर्छ । समाग्रीहरु देखाबटी रुपमा चर्को मूल्यमा किनेको बुझिएको छ । यसमा अधिकृत र मेयरको सँलग्नताले बजेट झवाम्म गर्दा क्वारेन्टाइन पनि व्यवस्थापन गर्न सकेका थिएनन् । झन के गर्छ यीनीहरु ?”

मेयर साहले भने उपमेयर कापर बेतुका आरोप प्रत्यारोप लगाएको प्रतिक्रिया दिएका छन् । अधिकृत भट्टले कोरोना व्यवस्थापनमा राम्रै काम गरेको भनेपनि क्वारेन्टाइनसम्म व्यवस्थापन नहुँदा विभिन्न समयमा आन्दोलन भएको देखिएको छ ।

एक स्थानीयले भने, –“सबैला नगरपालिकाका मेयरको कुनै भ्यालु छैन, प्रशासकीय अधिकृतले धाक जमाउँछन् । मेयर हुनुको अर्थ पनि थाहा छैन । लाचार जस्तो देखिएको छ । जनप्रतिनीधले गर्ने कार्यमा पनि अधिकृत भट्टको हस्तक्षेप कसलाई थाहा छैन । मेयरलाई जसरी भन्छ, त्यही गर्नुपर्छ । त्यसैले त उमेयरसँग अझै विवाद सुल्झिएको छैन ।”

उमेयरको गाडी अधिकृत भट्टले प्रयोग गरेपछि विवाद चुलिएको हो । मेयर उपमेयरको विवादमा अधिकृत नै मामामाहिर देखिएको बताईएको छ ।