शहिदनगर पस्ने सबै नाका र द्धारमा 'स्वागत बोर्ड'

न्यूज ब्यूरो, जनकपुरधाम । धनुषाको शहिदनगर नगरपालिकाको क्षेत्रभित्र प्रवेश गर्ने सबै नाका र द्धारमा स्वागत बोर्ड (साईन बोर्ड) लगाइएको छ ।

नगरपालिकाका मेयर उदय कुमार बरबरियाले नगरभित्र प्रवेश गर्ने आगन्तुकलाई स्वागत शब्द सहित नगर क्षेत्रको सीमाभन्दा बाहिर जानेलाई धन्यवाद लेखिएको शब्द सहितको बोर्ड लगाइएको हो ।

नगरभित्र प्रवेश गर्ने तथा नगरपालिकाको सीमा प्रारम्भ भएको भान गराउन, नगरपालिकाको सीमा समाप्त भएको ज्ञात गराउनको लागि सो बोर्ड लगाइएको मेयर बरबरियाले जानकारी दिए ।

मेयर बरबरिया सहित विभिन्न वडाका वडाध्यक्षहरुको एक टोलीले शहिदनगर नगर क्षेत्रभित्र प्रवेश गर्ने सबै द्धार र नाकाहरुमा २६ वटा बोर्ड लगाइएको जनाइएको छ ।

शहिदनगरको सीमाभित्र छिर्ने राजमार्ग, लोकमार्ग, गल्लीमार्ग सहित अन्य सबै सडकमार्गको सीमा क्षेत्र प्रवेशद्धारमै बोर्ड लगाइएको जनाइएको छ ।

शहिदनगर नगरपालिकामा पाल्नुभएका सम्पूर्ण महानुभावलाई हार्दिक स्वागत गर्दछौं तथा शहिदनगर नगरपालिकामा पाल्नुभएको सम्पूर्ण महानुभावमा धन्यवाद ज्ञापन गर्दछौं लेखिएको बोर्ड गाडिएको हो ।

बोर्डमा सीमा प्रारम्भ र सीमा समाप्त पनि लेखिएको छ । यसले सीमा क्षेत्रभित्र प्रवेश गरेको तथा सीमा भन्दा बाहिर जान लागेको जानकारी थपिएको शिक्षक श्रीकृष्ण भिन्भार (अरबिन्द भिन्भार यादव) ले जानकारी दिए ।

अहिले कमला क्षेत्र, सबैला नगरपालिकाको तर्फबाट आउने नाका, जनकपुर तर्फबाट जाने नाका, कमला नगरपालिका क्षेत्रबाट जाने नाकाहरुमा बोर्ड लगाईएको छ भने अन्य ठाउँमा लगाउने क्रम जारी छ ।