बारामा मास्क अनिवार्य

न्यूज ब्यूरो, बारा । बारामा सार्वजनिक स्थानमा मास्क अनिवार्य गरिएको छ । लकडाउन खुकुलो भएसँगै बजारमा चहलपहल बढ्न थालेपछी कोरोना संक्रमणको त्रास समेत बढेको भन्दै जिल्ला विपद् व्यवस्थापन समितिले यस्तो निर्णय गरेको हो ।

शुक्रबारदेखी घर बाहिर निस्कँदा मास्क अनिवार्य लगाउनुपर्ने समितिले जारी गरेको सुचनामा उल्लेख गरिएको छ ।

अन्यथा संक्रामक रोग ऐन २०२० अनुसार कारवाही गरिने प्रमुख जिल्ला अधिकारी रुद्र प्रसाद पण्डितले बताउनुभयो । सार्वजनिक स्थानमा मास्क प्रयोग नगरेको पाईएमा ऐन अनुसार एक सय रुपैयाँ जरिवाना गरिने उहाँले बताउनुभयो ।

साथै जिल्लामा पसल ब्यावसाय सञ्चालन गर्ने ब्यावसायीहरुले अनिवार्य मास्क र सेनिटाईजरको प्रयोग गर्ने, पसलमा आउने ग्राहकहरुलाई मास्क लगाउन प्रेरित गर्न तथा भिडभाड नगरि ब्यावसाय सञ्चालन गर्न विपद् व्यवस्थापन समितिले सुचनामार्फत अनुरोध गरेको छ ।