ईन्स्पेक्टरलाई डिआजीको ठाडो निर्देशन “उत्खनन माफियाहरुलाई नछोडनु”

न्यूज ब्यूरो, जनकपुरधाम । प्रदेश नं. २ का प्रहरी प्रमुख डिआईजी धीरज प्रताप सिँहले धनुषाको ढल्केवरका प्रहरी नीरिक्षक (ईन्स्पेक्टर) लाई माफीयाहरुलाई खोजी गर्न निर्देशन दिएका छन् ।

धनुषाको चारनाथ खोलामा अवैद्य रुपमा उत्खनन गरिरहेको बेला रिपोर्टिँग गर्न गएका न्यूज ब्यूरोका पत्रकार मुकेश ठाकुर उपर हमलाको प्रयास सहित मोटरसाईकल समेत घर फोडेर लगेपछि प्रहरी प्रमुख सिँहलाई ज्ञापन पत्र बुझाइएको छ ।

आज (बुधबार) दिउँसो पत्रकार सुरेश यादव र मुकेश ठाकुरले सँयुक्त रुपमा डिआईजी सिँहलाई जीउ ज्यानको सुरक्षा सहित घटनाका दोषीलाई कारवाहीको माग सहित ज्ञापन पत्र बुझाएका छन् ।

सोमबार अवैद्य उत्खननको रिपोर्टिँगको लागि पुगेका पत्रकार ठाकुर सहित ब्यूरो टिमलाई लखेटदै हमलाको प्रयास गरेको थियो । सो समयमा चारनाथ खोलामा ओम सत्य साई कन्सक्ट्रक्सनको ट्रिपर र डोजर चलिरहेको थियो ।

कन्सट्रक्सनका सँचालक बिजेन्द्र सिँह रहेको छ । दिउँसो टिमलाई हमलाको प्रयास गरिएको सोही रातीमा घरको मुख्य द्धार फोडेर मोटरसाईकल समेत उठाएर लगेपछि पत्रकार ठाकुरले जीउ ज्यानको सुरक्षा सहित उत्खनन माफियाहरुलाई तत्कालै कारवाहीको माग गरेको छ ।

यसका साथै, पत्रकार ठाकुरको मोटरसाईकल चोरी भएपछि ढल्केबरका प्रहरी ईन्स्पेक्टर तीर्थ कार्कीलाई डिआजी सिँहले ठाडो निर्देशन दिएका छन् ।

डिआजी सिँहले अवैद्य उत्खननमा सँलग्न भू माफियाहरुलाई नछोडन भन्दै निर्देशन दिएका हुन् । यसका साथै, पत्रकार ठाकुरको मोटरसाईकल चोरी तथा हमला प्रयासमा सँलग्नलाई खोजी गरी तुरुन्त झिकाउन समेत निर्देशन दिएका छन् ।