हिजो आक्रमणको प्रयास, आज घरबाटै मोटरसाईकल चोरी

न्यूज ब्यूरो, जनकपुरधाम । धनुषाको चारनाथ खोलामा अवैद्य उत्खनन गरिरहेको सम्बन्धमा रिपोर्टिँग गर्न पुगेको न्यूज ब्यूरोका संवाददाता मुकेश कुमार ठाकुर उपर आक्रमण प्रयासको २४ घण्टा पनि नबित्दै मोटरसाईकल चोरी भएको छ ।

गएराती उनको घरको कम्पाउण्ड भित्रै राखिएको मोटरसाईकल चोरी भएको हो । विहान करिब ६ः३० बजे उठदा दैलोमा मोटरसाईकल नदेखेपछि चोरी भएको बुझिएको छ ।

सोमबार दिउँसो ओम सत्य साई कन्सट्रक्सनका व्यक्तिहरुले आक्रमण प्रयास गरेका थिए । त्यसको केही घण्टापछि रातीमै मोटरसाईकल चोरी भएको छ ।

यो पनि पढनुहोस : जनकपुरः खोला उत्खननमा प्रहरीको सेटिँग, पत्रकार उपर सामुहिक हमलाको प्रयास !

बाहिरबाट कम्पाउण्ड गरिएको ६ फिटको पर्खाल कुदेर भित्रैबाट मुख्य गेटको चुकुल खोलेर मोटरसाईकल लगेको बताइएको छ । ज ६ प ८१८१ नम्बरको डिस्कभर मोटरसाईकल चोरी भएको हो ।