देशको झण्डा जलाएको भन्दै नरसिँह सेनाले फुके भारतीय नेताको पुतला !

न्यूज ब्यूरो, सप्तरी । प्रदेश नं. २ को सप्तरी जिल्लाको सदरमुकाम राजविराजमा भारतीय नेता असरुद्दिन ओबैसीको पुतला दहन गरेको छ ।

एआईएमआईएमका अध्यक्ष समेत रहेका ओबैसी सँयोजकत्वको पार्टीले नेपालको भू–भाग कालापानी, लिपुलेख र लिम्पीयाधुरा भारतको रहेको भन्दै नेपालको झण्डा जलाएपछि मधेशका युवाहरु तातिएका छन् ।

उनीहरुले आफ्नो देशको झण्डा जलाएको भन्दै सँगठनका अध्यक्ष औबेसीको पुतलामा चप्पल हान्दै पुतला दहन गरेको हो । यद्यपी, युवाहरुले कुनै पनि राष्ट्रको झण्डा त्यस देशको स्वाभिमान रहेको भन्दै देशको झण्डा नजलाएको बताइएको छ ।

(अखिल भारतीय मजलिस–ए–इत्तेहादुल मुसलमीन) पार्टीका सदस्यहरुले सदस्यहरूले नेपालको संसदमा पारित विधेयकको विरोधमा प्रदर्शन गर्दै नेपालको झण्डा जलाएपछि मधेशी मूलका नेपाली युवाहरुले उनीहरुको पार्टीको झण्डा जलाउँदै पार्टी अध्यक्ष औबेसीको पुतला दहन गरेको हो ।

ती पार्टीका सदस्यहरुले भारतीय भूमि अन्तर्गत पर्ने कालापानीलाई नेपालको नक्शामा समावेश गरिएको एआईएमआईएमका पूर्व जिल्ला अध्यक्ष मोहम्मद इसरारले एक भिडियो बयानमा भनेको भन्दै नरसिँह हिन्दु सेनाले पुतला दहन गरेको हो ।

सेनाका सदस्यहरुले आफ्नो देशको झण्डा उपर आँखा गाडनेलाई कुनै पनि हालतमा माफ नगर्ने प्रतिक्रिया दिएका हुन् । नेपालको झण्डा जलाएपछि जवाफमा नरसिंह हिन्दू सेनाका सदस्यहरूले एआईएमआईएम पार्टीको झण्डा र एआईएमआईएम उत्तर प्रदेशका अध्यक्षको पुतला दहन गरिदिएका छन् ।

भारतको प्रेस सूचना ब्यूरोले भारतको उत्तराखण्ड राज्यको पिट्टोरागढ जिल्लाको भागको रूपमा जारी गरेको नक्शामा देखाएको कालापानी भने नेपालको भूमि रहेको छ ।