शम्भु सदा हत्याराको माग सहित नेविसंघको प्रदर्शन

न्यूज ब्यूरो, जलेश्वर । गत मँगलबार धनुषाको सबैलाको ईलाका प्रहरी कार्यालय सबैलाकै हिरासतभित्र एक दलित युवकको हत्या गरिएको भन्दै कारवाहीको लागि दबाब स्वरुप नेपाल विद्यार्थी सँघले जुलुस प्रदर्शन गरेको छ ।

हत्या भएको ५ दिन विति सक्दा पनि मृतक सदाको शवलाई पोस्टमार्टमको लागि प्रादेशिक अस्पताल जनकपुरमा राखिएको तथा पोष्टमार्टम नगरिएको भन्दै निष्पक्ष छानबिनको लागि दबाब दिएका हुन् ।

महोत्तरीको जलेश्वरमा नेविसंघका महोत्तरी अध्यक्ष आशुतोष झा नविनको अगुवाईमा निकालिएको जुलसमा दोषीलाई कारवाहीको माग गरिएको हो । दर्जनौको सँख्यामा सहभागी विद्यार्थी तथा युवाहरुले शम्भु सदाको हत्यामा सँलग्नहरुको यथाशिघ्र कारवाही हुनुपर्न नारा लगाउँदै जुलुस प्रदर्शन गरेको थियो ।

घटनाको निष्पक्ष छानबिन गर्न को लागि महोत्तरी ने.बि. संघ जिल्लाध्यक्ष झाले माग गरेका हुन् ।

“दलितको पहुँच कम छ,यसको मतलब यो होइनन् कि त्यसको ज्यान लिइदिने,त्यस माथी शोषण गर्ने।सम्भु सदाले न्याय पाउनैपर्छ । हामी दलित समुदायसँग साथ छौं” ।

नेविसंघ महोत्तरीले जलेश्वरको शंकर चौकबाट विरोध जुलुस गर्दै महेन्द्र चौकमा पुगी केही बेर सडकमै बसेर धर्ना समेत दिएको थियो ।