ठेकेदारले धनुषाधाम बजारमा ग्राभेलको सट्टा बालुवा माटो खसाल्दै

न्युज व्युरो,जनकपुरधाम । ऐतिहासिक स्थल धनुषाधाम बजार हिलाम्य भएपछि ग्राभेल गर्ने सम्झौता भएपनि ग्राभेलको सट्टा माटो र बालुवा खसालिदै छ ।

धनुषाधाम नगरपालिकाको वडा नं. ३ धनुषाधाम बजारमै ठेकेदारले हिलो न्यून गर्नको लागि ग्राभेल भर्ने सहमति भएपनि बालुवा माटो खसाउन थालेपछि स्थानीयहरु आक्रोसित भएका छन् ।

धनुषाधाम जनकपुर सडक खण्डको ठेक्कादार साईराम कन्ट्कसनका प्रोपाईटर शैलेन्द्र साहले ग्राभिल साटो माटो हालेर लापरवाहि गरेको धनुषाधाम व्यापार संघका अध्यक्ष किशोरी साहले आरोप लगाएका छन ।

“यदी सहमति बमोजिम ठेकेदारले १ नम्बरको ग्राभेल हालिएन भने हामीहरु यहाँ चुप लागेर बस्ने छैनौं । यो धार्मिक र पर्यटकीय स्थल मात्र होईन व्यापारिक स्थल पनि हो । ठेकेदारलाई जे मन लाग्यो त्यही गर्ने जमाना गएको भास हुनुपर्छ ।”– उनले भने ।

केहि दिन अगाडि मात्र डिभिजन कार्यलय जनकपुरको डिई बिनोद मौवारले समेत धनुषाधाम जनकपुर सडक खण्ड स्थलगत अनुगमन गरेका थिए । गुणस्तरीय काम गर्न काम र यथा शिघ्र ग्राभिल काम गर्न आदेश समयमा काम गरि हाल्ने भनेर आदेश दिएका थिए ।

स्थानिय व्यापारी स्थानिय सरोकारबाला, बुद्धिजीवी, अगुवा, समाजसेवी समेतको उपस्थितिमा ग्राभेल साटो माटो हाल्न थालेपछि रोकिएको हो ।

व्यापार संघका सचिव सिनोद मण्डल, महासचिव सुरज सिहं लगायतले ठेकेदारले अझै बालुवा माटो नै खसाले भोलीदेखि प्रतिकार गर्ने चेतावनी समेत दिएका छन् ।