कोरोना रोकथामका लागी नगरलाई बिभिन्न संस्थाहरूको सहयोग

न्यूज ब्यूरो, काठमान्डौं । कोरोना रोकथामको लागि चौतारा साँगाचोकगढी नगरपालिकालाई विभिन्न संघ सँस्थाहरुले सहयोग गरेको छ ।

नगरपालिकामा कार्यरत स्थानीय संस्था जनहित ग्रामीण सेवा समितिको समन्वय र संयुक्त रास्ट्रसंघिय सहयोगी संस्था युएनडिपी र इसिएचओको सहयोगमा नगरपालिकामा संचालित क्षेत्रीय क्वारेन्टाइन र आइसोलेसन वार्डको लागि पानी ट्यांकी, फिल्टर, डस्ट्बिन, बाल्टी, साबुन, तौलिया, सेनिटाइजर लगाएतको सरसफाइ सामग्री उपलब्ध गराइएको छ ।

नगर सचिवालय संयोजक रोहित शर्माले जानकारी दिए अनुसार यस अघि पनि लकडाउन भए लगत्तै ति संस्थाहरूबाट नगरपालिका अन्तर्गतका १८ वटा स्वास्थ्य संस्थाको लागि मास्क, सेनिटाइजर, ग्लोब्स सहयोग प्राप्त भएको थियो ।

त्यसैगरि नगर बिपद ब्यवस्थापन कोषलाई ग्रामीण सुधार समाजले १ लाख, मानुषी लघुबित्त कार्यक्रमले २५ हजार, स्वाबलम्बन लघुबित्त कार्यक्रमले १० हजार सहयोग गरेका छन ।

यस्तै रेडक्रस जिल्ला शाखा सिन्धुपाल्चोकले क्वारेन्टाइन र आइसोलेशन तयार गर्न बेडसेट, डस्ट्बिन, किचनलाई आवश्यक पर्ने सामग्री लगायतको सहयोग गरेको छ ।

साथै चौतारा साँगाचोकगढी नगरपालिका प्रवेशद्वार बन्देउ मा गाडी डिसइन्फेक्सन गर्न प्राबिधिक सहयोग समेत प्रदान गरेको संयोजक शर्माले जानकारी दिए।

विभिन्न संघसंस्था हरुको यस्ता सहयोगले कोरोना भाइरस नियन्त्रण तथा रोकथाममा ठूलो सहयोग पुग्ने भन्दै नगर प्रमुख अमान सिं तामाङले आभार व्यक्त गर्नुभयो ।