सिरहामा १५ वर्षीया बालिकामाथि सामूहिक बलात्कार

न्यूज ब्यूरो, सिरहा । सिरहामा एक १५ वर्षीया बालिकामाथि सामूहिक बलात्कार भएको छ ।

गोलबजार नगरपालिका ३ स्थित गागन खोलाको जंगलमा आज (बुधवार) बिहान एक बालिका सामूहिक बलात्कारमा परेकी हुन् । पीडित बालिकाले आफूलाई चार जनाले जबरजस्ती करणी गरेर फरार जानकारी प्रहरीलाई गराएपछि घटना बाहिर आएको हो ।

प्रहरीलाई जानकारी गराइएपछि संलग्न रहेको आरोपमा चार जनालाई प्रहरीले पक्राउसमेत गरेको छ । ईलाका प्रहरी कार्यालय गोलबजारबाट खटिएको प्रहरी टोलीले उनीहरुलाई पक्राउ गरेको हो ।

पक्राउ पर्नेमा नरहा गाउँपालिका ४ का २५ वर्षीय रामबाबु भन्ने चन्देश्वर यादव, औरही गाउँपालिका २ का २० र २३ वर्षका अम्बर यादव र जगरनाथ यादव र सुखिपुर नगरपालिका ६ बस्ने १९ वर्षको गोलु महतो रहेका छन् ।

घटना सम्बन्धमा थप अनुसन्धान भइरहेका जिल्ला प्रहरी कार्यालय सिरहाले जनाएको छ ।