जनकपुरः गँगा दशहरामा कमला पूजन गरी 'नदि चेतना यात्रा' को श्रीगणेश

न्यूज ब्युरो, जनकपुरधाम । कमला नदीको अस्तित्व सहित जल संरक्षण हेतु चलाइएको कमला बचाउ अभियानका अभियानीहरुले आज (सोमबार) कमला पूजन गरेको छ ।

गँगा दशहराको अवसर पारेर पवित्र एवम् धार्मिक दृष्टिकोणले धनुषा र सिरहा जिल्लाको सीमाको रुपमा निरन्तर बग्ने कमला नदीमा पूजाआजा गरिएको छ ।

प्रत्येक वर्ष जेष्ठ शुक्ल दशमी तिथिका दिन गंगा दशहरा मनाउँदै आएकोमा यसपाली कमला पूजन गरी धनुषाको रामघाटबाट नदि चेतना यात्रको श्रीगणेश समेत गरिएको छ ।

आज कमला बचाउ अभियानका सँयोजक विक्रम यादव सहित कमला बचाउ अभियानी एवम् शहिदनगर नगरपालिकाका मेयर उदय कुमार बरबरिया (यादव) लगायतका अभियानीहरुले कमला पूजन गरी सा यात्रालाई आरम्भ गरेका हुन् ।

“पानी रे पानी” मूल नारा सहित प्रारम्भ गरिएको नदी चेतना यात्रा आउँदो सेप्टेम्बर महिनासम्म चल्ने 'पानी रे पानी' का अभियन्ता एवम् वरिष्ठ पत्रकार पंकज मालवेयले जानकारी दिए ।

गँगा दशहरा (आज) देखि प्रारम्भ भएको यी पवित्र यात्रा अन्तराष्ट्रिय नदी दिवससम्म कमला नदी को उदगम स्थल नेपालको सिन्धुली जिल्ला महाभारत चुरे जंगल देखी भारत बिहार कमला कोशी संगम सम्म चल्ने जनाइएको छ ।

भारतको गेल ईण्डिया लिमिटेड (भारत सरकारको सँस्थान) को प्रायोजितमा जुन १ देखि सेम्टेम्बरसम्म यात्रालाई निरन्तरता दिइने भएको छ ।

कमला बचाउ अभियान अर्थात कमला जलाधार संरक्षण अभियानको आयोजनामा गरिएको कमला पूजनमा कमला अभियानीहरु राज किशोर सल्हैता, रोशन यादव, बिरेन्द्र यादव, श्याम कुमार सिंह, रामनाथ यादव, राम शरण, रोशन यादव लगायत दर्जन बढी अभियानीहरुले सहभागीता जनाएका थिए ।

कमला पूजनको क्रममा पनि समाजिक दुरी कायम गरी पूजन गरिएको थियो ।