जनकपुरका ३१ जनाले आफ्नो रगत दिए

न्यूज ब्यूरो, जनकपुरधाम । कोरोनाको महामारीमा जनकपुरमा रगतको अभाव हुन थालेपछि जनकपुरका युवाहरुले आफ्नो रगत दिएका छन् ।

लकडाउनमा अस्पतालमा पनि मान्छेको चाप कम सहित रक्तदाताहरुको समेत कमी भएको भन्दै युवाहरुले ब्लड बैंकमा ३१ पोका रगत जम्मा गरेका छन् ।

बुधबार विहान ११ बजेदेखि जनकपुरको जनकचोकमा वृहत रक्तदान कार्यक्रमको आयोजना गरी रक्त सँकलन गरिएको हो । लकडाउनलाई मध्यनजर गर्दै रगत अभाव हुन नदिन जनकपुरका ३१ जना युवाले रक्तदान गरेका हुन् ।

‘लकडाउनमा मानिस घरमै रहने तथा चाहिएको बेलामा रेडक्रस सम्म पुग्न अप्ठयारो हुने तथा रक्तदान कार्यक्रम नहुने हुँदा रगत अभावको सम्भावनालाई मध्यनजर गर्दै रक्तदान गरेको जनकपुर मडिकल स्टूडेन्ट्स सोसाईटीका अध्यक्ष मनोहर महासेठले जनाएको छ ।

सो अभियान कार्यक्रमको दौरान डा. सुधिर भगतले प्रमुख आतिथ्यको आसनबाट उनीहरुको टिमलाई सहजता प्रदान गरेका थिए ।

कोरोना माहामारीका कारण प्रादेशिक अस्पताल जनकपुर हाल कोरोना अस्पतालमा परिणत भएकोले रक्तदान गर्न सर्वसाधारण जान भय पाईरहेकोले, रगतको अभावलाई मध्यनजर गर्दै रक्तदान कार्यक्रमको आयोजना गरेको सोसाएटिका आईटी (IT) म्यानेजर शिवम साहले जनाए ।

लकडाउनले रगत अभावको बेला जनकपुर मेडिकल स्टूडेन्स् सोसाईटीे गरेका रक्तदानले धेरै नै राहत हुने नेपाल रेडक्रस सोसाइटी धनुषाले जनाएकोक छ ।

जनकपुर जस्तो ठाउँमा दैनिक ५० देखि १ सय पोका रगत आवश्यक पर्छ, सबैले रगत दिन मान्दैनन् त्यस्तो बेलामा बिरामीको अवस्थालाई हरेरे जसरी पनि रगत दिनुपर्छ, अझ यस्तो महामारीमा युवाहरुले गरेको रक्तदान रेडक्रसका लागि बरदान रहेको बताइएको छ ।

सो अभियान अन्तर्गत जनकपुर मेडिकल स्टुडेन्ट सोसाइटी समूहका विकास नायक, आदित्य कर्ण, शिवम साह, मनोहर महासेठ, अँजली गामी, नागमणी यादव, राजन झा, सर्वजीत झा र कलाम खानको सँयुक्त पहल र सक्रियताले ३१ पोका रगत जम्मा गरिएको हो ।