भीषण हुरीले धनुषामा एउटै कृषि फार्ममा १४ लाखबढीको क्षति

न्यूज ब्यूरो, धनुषा । धनुषाको धनुषाधाम नगरपालिका–९ स्थित धारापानीमा भीषण हावाहुरीका कारण लाखौ मूल्य बराबरको क्षती भएको छ ।

अचानक आएको हावाहुरीले धारापानीस्थित लाईभ स्टक एग्रीकल्चर फार्मद्धारा सञ्चालनमा रहेको गाई फार्ममा १४ लाख बराबरको क्षति भएको छ । हुरीले क्षति छाना उडाउनुको साथै गाईले खाने दानामा समेत ठूलो क्षति पुर्याएको फार्मका सञ्चालक रामललीत साहले बताए ।

४० लाख लागतमा सञ्चालित फार्मबाट लकडाउनको अवस्थामा उत्पादन गरेको गाईको दुध विक्री वितरणमा समेत समस्या भइरहेको बेला हावाहुरीले झन दुख दिएको उनले सुनाए । हुरीले तराई मधेशका विभिन्न जिल्लामा ठूलो क्षति पुर्याएको छ ।