हावाहुरीले १८०० बढी कुखुरा उडाए  !

न्यूज ब्यूरो, बारा । सोमबार साँझ आएको हावाहुरीले १८०० बढी कुखुराको चल्लालाई मारेको हो ।

बाराको महागढीमाई नगरपालिका वडा न..५ मा रहेको बगडमपुर स्थित रूपचन्द्र पोल्ट्रि फर्ममा गए राती आएको हावाहुरी र असिना पानीले सो फर्ममा लाखौंको क्षति भएको छ ।

साथै उक्त कुखुरा फर्मको घर पूर्ण रूपमा हावाहुरीले उडाउँदा सो कुखुरा फर्ममा रहेको करिब १८०० सय कुखुराको चल्ला मरेको र घर पुर्ण रूपमा काम नलाग्ने अवस्थामा पुगेको फर्मका सँञ्चालक कौशल कुमार कलवारले बताए ।

हावाहुरी चल्ने क्रममा फर्मबाट भाग्न खोज्दा सँञ्चालकको दायाँ हातको औला र खुट्टामा घर च्यापिएर चोटपटक लागेको जनाइएको छ ।

फर्मको सबै क्षती मिलाएर करिब चार लाख बराबरको क्षती भएको फर्मका सँञ्चालक कौशल कुमार कलवारले जनाकारी दिएका छन ।

साथै यस घटनाको बारेमा महागढीमाई नगरपालिका बरियारपुर बाराको कार्यालयमा पनि यस फर्मको क्षतीपूर्तीको बारेमा जनाकारी दिने तयारी भईरहेको र स्थानिय प्रहरीले घट्नाको अनुगमन गरिसकेको उनले बताए ।