प्रदेश २ मा थप १४ जना सहित ३२ नयाँ सँक्रमित थपिए, सँख्या ५४८पुग्यो !

न्यूज ब्यूरो, जनकपुरधाम । प्रदेश नं. २ मा थप १४ जना सहित ३२ जनामा आज विहान (शनिबार) नयाँ सँक्रमण भेटाएको छ ।

स्वास्थ्य तथा जनसँख्या मन्त्रालयले शनिबार विहान ८ः४० बजे गरेको नयाँ अपडेट अनुसार प्रदेश नं. २ को सर्लाहीमा १३ जना र बारामा १ जना सहित जम्मा ३२ जना सँक्रमित थपिएको हो ।

सर्लाहीको गौतेडा र कविलासी नगरपालिकामा १३ जना नयाँ सँक्रमित थपिएको हो भने बाराको करैयामाई नगरपालिकाकामा १ जना थपिएको हो । यसका साथै, कपिलवस्तुको वाणगँगामा ८ जना नयाँ सँक्रमण फेला परेको हो ।

काठमान्डौंको थप १ जनामा सँक्रमण पुष्टि भएको स्वास्थ्य तथा जनसँख्या मन्त्रालयले जनाएको छ । २३ जनाको जाँच राष्ट्रिय जनस्वास्थ्य प्रयोगशाला काठमान्डौंमा गरिएको थियो ।

यसका साथै, रुपन्देहीमा ८ जना र चितवनको भरतपुरमा समेत १ जना नयाँ सँक्रमण फेला परेको मन्त्रालयले जनाएको छ । यससँगै नेपालमा कोरोना सँक्रमितको सँख्या शनिबार विहान ८ः४० बजेसम्म ५४८ रहेको छ ।

जसमध्ये ७० जना निको भएर घर फर्केका छन् भने ३ जनाको मृत्यू भएको मन्त्रालयको वेभसाइटमा उल्लेख गरिएको छ ।