नेपालमा कोरोना संक्रमित संख्या ५०७ पुग्यो

न्यूज ब्यूरो, काठमाडौं । नेपालमा कोरोना संक्रमितको संख्या पाँच सय सात पुगेको छ ।

सुदूरपश्चिमका ५ जनासहित शुक्रबार दिउँसो थप २० जनामा कोरोना भाइरस संक्रमण पुष्टि भएको हो ।

शुक्रबार स्वास्थ्य तथा जनासंख्या मन्त्रालयको नियमित प्रेस ब्रिफिङमा मन्त्रालयका प्रवक्ता विकास देवकोटाले थप २० जनामा संक्रमण पुष्टि भएको बताए । कैलालीका १९, २३, र २९ वर्षीय पुरुष, डडेलधुराको पराशुराम १० का २८ वर्षीय पुरुष, बैतडीका २२ वर्षीया पुरुष गरी सुदूरपश्चिम प्रदेशका ५ जनामा कोरोना संक्रमण पुष्टि भएको हो ।

त्यसैगरी बाँकेका १४ जनामा १८ देखि ६१ वर्षीय पुरुषमा कोरोना संक्रमण पुष्टि भएको प्रवक्ता देवकोटाले जानकारी दिए। एक जना राप्तीसोनारी गाउँपालिकाका र १३ जना नरैनापुरका भएको उनले बताए ।

त्यस्तै मोरङको रतुवामाई २ का ४१ वर्षीय पुरुषमा पनि कोरोना पुष्टि भएको उनले बताए ।