सिरहा, सप्तरीसहितका ससाना खोलामा बाढीको सम्भावना, सतर्क रहन आग्रह

न्यूज ब्यूरो, जनकपुरधाम । बंगालको खाडीमा विकसित शक्तिशाली चक्रवातको प्रभावले नेपालमा पनि वर्षा हुने भएकाले विभिन्न खोलानालामा बाढी आउन सक्ने सम्भावना रहेको जल तथा मौसम विज्ञान विभागले जनाएको छ ।

विभागले ससाना खोलानालामा बाढी आउन सक्ने भएकाले नदी तटीय क्षेत्रका बासिन्दालाई होसियारी अपनाउन आग्रह गरेको छ ।

प्रदेश १ का तराईका जिल्ला र प्रदेश २ का सिरहा, सप्तरीका ससाना खोला तथा कन्काई, कोशी र यी नदीका सहायक खोलामा जलसतह बढ्ने सम्भावना रहेकाले नदी क्षेत्रमा सावधानी अपनाउन विभागले आग्रह गरेको छ ।