जनकपुरः ट्रकले ठक्कर दिँदा नर्सको मृत्यू, ३ सख्त घाईते !

न्यूज ब्यूरो, जनकपुरधाम । धनुषामा ट्रकले ठक्कर दिँदा एक स्टाफ नर्स (स्वास्थ्यकर्मी) को ज्यान गएको छ ।

धनुषाको मिथिला नगरपालिका वडा नं. ४ पुष्पवलपुर नजिकै पूर्व पश्चिम राजमार्ग अन्तर्गत ठक्कर दिएको ईलाका प्रहरी कार्यालय ढल्केवरले जनाएको छ ।

ठक्करबाट पुष्पवलपुरस्थित स्वास्थ्य चौकीमा कार्यरत बर्ष २२ की चन्द्ररेखा यादवको मृत्यु भएको हो ।

ट्रकको ठक्करपछि गम्भिर घाईते भएकी यादवलाई उपचारको लागि जनकपुरको प्रादेशिक अस्पतालमा ल्याउँदा उपचारको क्रममा मृत्यू भएको हो ।

ईलाका प्रहरी कार्यालय ढल्केवरका प्रहरी निरीक्षक तिर्थ कार्कीका अनुसार आज (विहिबार) करिब ४ बजेति पूर्वबाट पश्चिमतर्फ आइरहेको को. १ ख २६२७ नम्बरको मालबाहक ट्रकले नर्स यादव सवार रहेको बा.५२ प ८६४८ नम्बरको मोटरसाइकललाई पुष्पवलपुरचौकमा ठक्कर दिइएको थियो ।

ठक्करबाट जनकपुर उपमहानगरपालिका वडा नं. १० जमुनिया बस्ने बर्ष २० को मोटरसाइकल चालक सिदार्थ यादव, मृतक चन्द्ररेखाको ४ बर्षिय छोरी माही यादव, नाम नखुलेको २ बर्षिय छोरा सख्त घाइते रहेको छ ।

उनीहरुको प्रादेशिक अस्पतालमा उपचार भइरहेको छ भने ट्रक चाकल र सहचालकलाई नियन्त्रणमा राखिएको छ ।