स्वास्थ्य सेवा बाहेक सम्पूर्ण कार्य बन्दको निर्णय

न्यूज ब्यूरो, जनकपुरधाम । कोरोनाको महामारीलाई मध्यनजर गर्दै धनुषाको शहिदनगर नगरपालिकाले ५ दिन कार्यलय बन्दको निर्णय गरेको छ ।

नगरपालिकाको कार्यालयले एक प्रेस विज्ञप्ति जारी गर्दै स्वास्थ्य सेवा बाहेक नगरपालिकाको सम्पूर्ण काम कारवाही बन्द गर्ने निर्णय गरिएको हो ।

नगरपालिकाका मेयर उदय कुमार बरबरिया (यादव) द्धारा हस्ताक्षरित प्रेस विज्ञप्तिमा आज (विहिबार) देखि आगामी जेठ ५ गतेसम्म कार्यालय बन्द गर्ने निर्णय भएको उल्लेख गरिएको छ ।

बन्दाबन्दी (लकडाउन) लाई पालना सहित प्रदेश नं. २ मा कोरोनाको सँक्रमण बढदै गएको तथा धनुषा जिल्लामा समेत कोरोनाको सँक्रमण बढदै गएको भन्दै यसबाट बच्नको लागि जेठ १ गतेदेखि ५ गतेसम्म बन्द गर्ने निर्णय गरिएको हो ।

आगामी जेठ ६ गतेदेखि पुनः विधिवत रुपमा नगरपालिकाको काम कार्य सुचारु हुने छ । स्वास्थ्य सेवाहरु भने निरन्तर सँचालन रहने छ ।