अनमोल सम्पदा जानकी मन्दिर बचाउन अघि बढौ : युवा नेता साह

न्यूज ब्यूरो, जनकपुरधाम । जानकी मन्दिरमा विवाद चुलिएपछि यसलाई ट्रस्टमा लग्नुपर्ने विचारधाराहरु उठन थालेको छ ।

सोही सन्दर्भमा अनेरास्ववियूका प्रभावशाली केन्द्रीय नेता तथा नेकपा सर्लाहीको जिल्ला कमिटी सदस्य नेता चन्द्र भुषण शाहले जानकिलाइ बिश्व सम्पदा सुचीमा राख्न सबलाई जना आ(आफ्नो तरिकाबाट लाग्न आग्रह र सुझाब दिएका छन।

नेता साहले भने–“नेपालको राष्ट्रिय विभूति राजर्षि जनकको नगरी तथा प्राचीन मिथिलाको राजधानीको रुपमा सुप्रसिद्ध भूमि जनकपुरधाममा वि।स। १९६७ (लगभग ११० वर्ष पूर्व) भारतको मध्य प्रदेश स्थित टिकमगढकी महरानीरराजकुमारी वृषभानु कुँवरीले तत्कालीन समयमा ९ लाख चाँदीको असर्फी मुद्रा खर्च गरेर जगत जननी माता जानकीरसीताजीको नाममा मुगल शैलीमा बनाएको नौलखारजानकी मन्दिर अहिले महन्थ तपेश्वर दास (मामा) र सहायक महन्थ रामरोशन दाँस९भान्जा० बिचको संगीन आरोप९प्रत्यारोप ९आपसी दोषारोपण०को कारण विशेष चर्चामा रहेको कुरा जगजाहेर नै छ ।”

स्रोतका अनुसार, मन्दिरको संरक्षण एवं सञ्चालनका लागी स्थापनाकैं समयमा अहिलेको प्रदेश नं. २ अन्तर्गतका विभिन्न जिल्लाहरुमा २३ वटा गुठी खडा गरी ६ हजार बिघाहा जग्गा उपलब्ध रहेको छ ।

पछिल्लो समय मठाधीश (महन्थ, भूमाफिया, नापी, मालपोत, अपराधीक गिरोह तथा केहि राजनैतिक दलका नेताहरुको समेत मिलीमतोमा लगभग ५ हजार बिघाहा जग्गा अनाधिकृत रुपमा निजी व्यक्ति तथा व्यवसायिक घरनाको भोगचलन र नाममा गईसकेको आरोप लगाएका छन् ।

विगतमा यस विषयलाई एउटा पत्रकारले उठाउदा उनीमाथी ज्यानलेवा सांघातिक हमला समेत भैसकेको भन्दै महन्थ पदको गरिमा र प्रतिष्ठामा नै खलल पुग्ने गरी व्यक्तिगत सम्पत्ति र शक्तिको लालसामा मन्दिरको महन्थहरु रामायणको आदर्श पात्र सीतारामको भक्त भएर पनि पछिल्लो समय रावण झैं आर्थिक अपचलन गरेको आरोप लगाएका छन् ।

“विश्वभर सनातन हिन्दू संस्कृतिको अनमोल धरोहरको रुपमा प्रसिद्धि पाएको जानकी मन्दिरले आफ्नो गौरवमय विरासतको संरक्षण एवं प्रवर्द्धन गर्नुको सट्टा पश्चिमा शैली अनुसरण गर्दै केक काटेर सीता नवमी मनाउनु आफैंमा आफ्नो मौलिक मैथिली एवं मधेशी संस्कृतिमाथिको सिधा नाङ्गो प्रहार हो । जनताको लामो त्याग, बलिदान र संघर्षबाट मुलुकमा लोकतान्त्रिक गणतन्त्र आईसक्दा समेत हाम्रा महन्थहरु अझपनि पुरानै राजतन्त्रात्मक शैलीको अशोभनीय आचरण एवं व्यवहार प्रदर्शित गर्नू खेदजनक विषय हो ।”– उनले भनेका छन् ।

जानकी मन्दिर लगायत अन्य विभिन्न गुठी संस्थानहरुलाई तत्काल ट्रस्टमा रुपान्तरण गर्दै कुशल एवं असल सामुहिक नेतृत्व चयन गरी राज्यले नियमित नियमन गर्नुपर्ने माग उठाएका छन् ।

सबैको साझा गौरवको रुपमा रहेको जानकी मन्दिर भित्रका गैरजिम्मेवारीपूर्ण आचरण एवं व्यवहार, चरम बेथिति तथा ब्रह्मलुटलाई तत्काल निरुत्साहित गर्न मुख्यतः मन्दिरको स्वामित्व रहेको जग्गा अपचलन र आर्थिक घोटालामा संगलग्न जोसुकैलाई पनि यथाशीघ्र कानूनी कार्वाहीको दायरामा ल्याउन नेपाल सरकार लगायतका सम्बन्धित पक्षहरुसंग माग समेत गरेका छन् ।

अनमोल सम्पदाको रुपमा विद्यमान जानकी मन्दिरको अस्तित्व र गरिमाको रक्षा, सम्बर्धन तथा विश्वस्तरमा प्रवर्द्धन गर्नको लागी सबै मिलेर एकजुट भई अगाडि बढन आग्रह समेत गरेका छन।

जानकी मन्दिरलाई विश्व सम्पदा सूचीमा सुचिकृत गर्न सबैले आ(आफ्नो स्थान र स्तरबाट निरन्तर सक्रिय भूमिका निर्वाह गर्न युवाहरुलाई एकजुट हुनुपर्ने धारणा उनको छ ।