सिरहा : प्रवेश नपाएपछि दशगज्जामै रात बिताउन बाध्य ७० बढी नेपाली

न्यूज ब्यूरो, सिरहा । भारतको विभिन्न स्थानबाट सिरहाको सिमाक्षेत्रमा आइपुगेका नेपालीहरु दशगज्जामै घेरिएका छन् ।

नेपाली भित्रिन नदिने गृह मन्त्रालयको आदेश अनुसार सिमाक्षेत्रमा खटिएका सुरक्षाकर्मीले भारतको विभिन्न सहरबाट आइपुगेका ७० जना भन्दा बढीलाई सिरहाको सिमावर्ती ठाउँहरुमा राखेका छन् ।

महिला, बालबालिकासहित आइपुगेका ७० जना मध्ये ४५ जना सिरहाको सिमावर्ती माडरको लचकाटोलदेखि पश्चिमको बाँसघारीमा त्रिपालमुनी रात बिताउन बाध्य छन् । हावाहुरी र वर्षाका बेला सरकारको आदेशका कारण असुरक्षित तरिकाले दशजग्गा क्षेत्रमा बस्नुपर्ने बाध्यता उनीहरुको छ ।

त्यस्तै, केही भगवानपुरको ठाँडी क्षेत्रमा दशगज्जामा रहेका छन् । ७ जना रुकुम पश्चिम र १ जना जाजरकोटका रहेका छन् भने अन्य सिरहा जिल्लाकै छन् ।