जनकपुरमा भीड पनि बढयो

न्यूज ब्यूरो, जनकपुरधाम । स्वास्थ्य तथा जनसँख्या मन्त्रालयले धनुषा र महोत्तरी सहित प्रदेशको सिरहा बाहेक सबै जिल्लामा कोरोना सँक्रमण भेटिएपनि जनकपुरमा भीड भने कम हुन सकेको छैनन् ।

आईतबारदेखि नै सरकारले बैंक तथा वितीय सँस्थानहरुलाई खोल्ने अनुमति दिएपछि बैंक तथा रेमिटयान्स काउण्टरहरुमा सर्वसाधारणको भीड उत्तिकै बढेको छ ।

जनकपुरको विभिन्न चोकमा रहेको बैंक तथा वितिय सँस्थानहरुमा सर्वसाधारणको असोचनीय भीड बढेको देखिएको छ ।

ग्रामिण भेकबाट आएका सर्वसाधारणहरुले समाजिक दुरी अर्थात कम्तीमा पनि १ मिटरको दुरी कायम नगरिदिँदा सँक्रमणको खतरालाई झन बढाबा दिएको देखिएको छ ।

जनकपुरको भानुचोक, शिवचोक, मिल्स एरिया रामचोक, मुरलीचोक एरियामा सर्वसाधारणहरुको भीड देखिएको छ । यसका साथै, सटही काउण्टरमा समेत भीड देखिएको थियो ।

जनकपुरको आसपास क्षेत्रमा कोरोना सँक्रमितको सँख्या बढेपछि बैंकहरु खुलेपछि सर्वसाधारणको भीडलाई भने नियन्त्रण गर्न सकिएको छैनन् ।