थप १० जनामा कोरोना पुष्टि, सँख्या १२० पुग्यो !

न्यूज ब्यूरो, जनकपुरधाम । नेपालमा आज (सोमबार) मात्रै थप १० जनामा कोरोना भाइरसको सँक्रमण भएको पुष्टि भएको छ ।

स्वास्थ्य तथा जनसँख्या मन्त्रालयले आज (मिति २०७७ बैशाख २९ गते, विहान ८ः३० बजे) गरेको नयाँ अपडेट अनुसार थप १० जनामा सँक्रमण पुष्टि भएको बताएको छ ।

सँक्रमण कपिलवस्तुको विभिन्न स्थानीय तहको १० जनामा पुष्टि भएको हो । मन्त्रालयका अनुसार, कपिलवस्तुको यशोधरा गाउँपालिका वडा नं. ५ र बुद्धभूमि नगरपालिका वडा नं. ७ एवम् १० बस्ने अन्दाजी बर्ष १८, १९, २०, २०, २४, ३० ,३१, ३४ र एक जना उमेर नखुलेको पुरुष रहेको छ ।

मन्त्रालयका अनुसार, उनीहरुको १० जनाको स्वास्थय अवस्था समान्य रहेको तथा स्वास्थ्यकर्मीको सम्पर्कमा रहेको छ ।

आजसम्म १६ हजार ९ सय ८ जनामा गरिएको पिसिआर परीक्षणको क्रममा १ सय २० जनामा सँक्रमण पुष्टि भएको हो भने सो मध्ये ३१ जना निको पनि भएका छन् ।

१ सय ६४ जना आइसोलेशनमा राखिएको छ भने अहिलेसम्म नेपालमा मृत्यू भने शून्य तथ्याँक रहेको छ ।