नेता भण्डारीको पहलमा स्वास्थ्यकर्मीहरुलाई सुरक्षा समाग्री प्रदान

न्यूज ब्यूरो, जनकपुरधाम । जनता समाजवादी पार्टी नेपालका नेता शरत सिँह भण्डारीको विशेष पहलमा स्वास्थ्यकर्मीहरुलाई सुरक्षा समाग्री प्रदान गरिएको छ ।

नेता भण्डारीको पहलमा तथा सिटिजन बैंकको चेरमेन औरही निवासी राजन सिंह भण्डारी र काठमाडौं मेडिकल कलेजको प्रिन्सिपल डा. चन्दा कार्कीद्वारा पिपिई, थर्मल गण लगायतका समाग्रीहरु प्रदान गरिएको हो ।

महोत्तरी निर्वाचन क्षेत्र नं.२ को सम्पूर्ण स्वास्थ चौकीहरुको लागि २० थान पिपिइ र १० थान थर्मल गण उपलब्ध गराउनुको साथै जिल्लाका पाँच वटा प्राथमिक स्वास्थ्य केन्द्रलाई प्रतेक केन्द्रलाई २ थान पिपिइ र एक थान थ्रमलगण गरि १० थान पिपिइ र ५ थान थ्रमलगण उपलब्ध गराइएको हो ।

साथै, जलेश्वर जिल्ला अस्पताललाई ३ थान पिपिइ, बर्दिवास अस्पताललाई २ थान पिपिइ, औरही स्वास्थ्य चौकीलाई ३ थान पिपिई र तीन थान थ्रमलगण उपलब्ध गराएको नेता भण्डारीका स्वकीय सचिव कुश चौधरीले जानकारी दिए ।

यस्तै, बरौना स्वास्थ्य चौकी भंगहालाई २ थान पिपिई र २ थान थ्रमलगण गरि सम्पूर्णलाई ५०० थान मास्क महोत्तरीको प्रमुख जिल्ला अधिकारी सुर्य बहादुर खत्रीलाई जनता समाजवादी पार्टी नेपालको महोत्तरी जिल्ला अध्यक्ष श्याम यादवले हस्तान्तरण गरेको चौधरीले बताए ।