भारतले सीमा नै मिचेको हो भन्न नमिल्ने : सिडिओ घिमिरे

न्यूज ब्यूरो, रौतहट । प्रदेश नं. २ रौतहटका प्रमुख जिल्ला अधिकारी (सिडिओ) बासुदेव घिमिरेले भारतले सीमा नै मिचेको हो भनेर भन्न नमिल्ने बताएका छन् ।

रौतहटको इशनाथ नगरपालिका स्थित दशगजा र सिमा नाकाको निरिक्षण गर्दै उनले सीमामा माटो पुर्ने त्रममा नेपाली भूमि छोएको भन्दै सीमा नै मिचिएको हो भनेर भन्न नमिल्ने प्रतिक्रिया दिएका छन् ।

भारतिय पक्षले दसगजा क्षेत्रको बाधलाई आफू खुसी सिमा मिचेर बाध्न र मर्मत गर्न लागेको भन्दै वडा अध्यक्ष सहित स्थानीय बासिन्दाले हल्लाख्ल्ला मचाउदै गुनासो गरेपछि जिल्ला सुरक्षा निकायका प्रमुखहरुले आज (आईतबार) सीमा अनुगमन गरेका हुन् ।

जिल्लाको तथा स्थानीय तहका प्रमुखहरुको संयुक्त टोली जिल्लाको ईशनाथ नगरपालिका वड़ा नम्बर १ बंजरहा स्थित नेपाल भारत सीमामा उठेको समस्याको आइतवार स्थलगत निरिक्षण गरेका हुन ।

नगरपालिकामा पर्ने वडा नं. १, २ र ३ नम्बर वडा नै डुबानमा पर्नेगरी सीमा मिचेर ड्याम (बाँध) बनाउन लागेपछि स्थानीयले शनिबार बिरोध गरेका थिए ।

भारतले निर्माण गरेको डयाममा मर्मत गर्न लाग्दा नेपाली भूमि च्यापिएको भनी सार्वजानिक भएपछि सुरक्षा निकायका तथा स्थानीय तह गौर नगरपालिका र ईशनाथ नगरपालिकाको प्रमुखहरुको संयुक्त टोली निरिक्षण गरेको हो ।

पुरानो बांधको उचाई तथा चौड़ीकरण भारत सरकारले गर्न लागेको हो भारतको पूर्वी चम्पारणको जिल्ला मोतिहारी बलुवा गाउको वड़ा नम्बर ३ मा रहेको उक्त बांधको मरमत गर्ने कार्य जारी रहेकोमा ठेकेदारले माटो हल्दा हल्का नेपाली दशगजामा माटो परेकोले समस्या उत्पन्न भएको छ ।

नीरिक्षणको क्रममा सिडिओ घिमिरेले पुनः निर्माणको क्रममा नेपालको भू–भाग मिचिएको भन्ने अहिले यकीन गरी भन्ने अवस्था नरहेको बताउँदै नेपाल भारत सिमा निरिक्षण टोलीले नाप जांच गरे पछि यकीन गर्न सकिने जिकिर गरे ।

“बांध अहिलेको नभई पुरानो नै रहेको छ । लिखित सहमति अनुसार बांधमा भएको हनुमान मंदिरदेखि पच्छिम माटो हाल्नुपर्ने थियो तर अहिले मंदिर देखि पच्छिम सम्म बांधमा माटो थुपारिएको छ ।”– उनले भने ।

भारतीय समकक्षी मोतिहारीको डीएम सित कुरा हुदा माटो थुपार्ने काम अहिले रोक्ने प्रतिवद्धता जनाएको बताउँदै प्रमुख जिल्ला अधिकारी घिमिरेले समाधान हुने विश्वास व्यक्त गरे ।

यता, ईशनाथ नगरपालिकाको नगर प्रमुख संतोष कुमार मेहताले समस्या कुनै जटिल नभएकोले समाधन हुने बताएका छन ।

बांधको मर्मत गर्ने क्रममा एक दुइ ठाउमा हल्का माटो नेपाली भूमिमा पर्न गएको उनले बताए ।

टोलीमा गौर नगरपालिकाका नगर प्रमुख अजय गुप्ता, इशनाथ नगरपालिकाका नगर प्रमुख संतोष मेहता, प्रमुख जिल्ला अधिकारी बासुदेव घिमिरे, सशस्त्र प्रहरी उपरिक्षक रोविन कर्णजित, जनपद प्रहरी उपरिक्षक रविराज खड्का, अनुसन्धानका प्रहरी उपरिक्षक अभिनय सिंह, नेपाली सेनाका प्रमुख सेनानी समन्त धोजखाड, युवा नेता मोहन मेहता, उद्योग वाण्ज्यि संघको अध्यक्ष पंडित जयसवाल, वडा अध्यक्ष विगु साह लगायत स्थानीय भद्रभलादमिको उपस्थिति रहेको थियो ।