प्रादेशिक अस्पताल जनकपुरको सबै सेवा पुनः सुचारु

न्यूज ब्यूरो, जनकपुरधाम । प्रादेशिक अस्पताल जनकपुरको सम्पूर्ण सेवा सञ्चालनमा आएको छ ।

कोरोनाका संक्रमण फैलिन नदिन सरकारले गरेको लकडाउन घोषणा गरेको भोलि पल्ट अर्थात चैत १२ गतेदेखि प्रादेशिक अस्पतालको इमरजेन्सी सेवा बाहेक सबै सेवा बन्द भएको थियो । अन्य सेवा बन्द हुँदा सेवाग्रहीलाई समस्य भएपछि पुनः सञ्चालनमा ल्याइएको हो ।

नियमित सेवा बन्द भएको झण्डै डेढ महिना पश्चात शुक्रबारदेखि प्रादेशिक अस्पतालको नियमित लगायत सम्पूर्ण सेवा सुचारु भएको अस्पतालले जनाएको छ । प्रादेशिक अस्पतालका निमित मेडिकल सुपरिटेन्डेन्ट डा. जामुन प्रसाद सिंहका अनुसार, पुनः सबै खाले सेवा सुचारु भएको छ ।

शुक्रबारदेखि ओपीडि तथा अप्रेशनका बिरामीहरु पनि आउन थालेको अस्पताल श्रोतले जनाएको छ ।