डा. रुना झालाई विश्वको ५ महिलामा पार्ने असली योद्धा 'डा. रञ्जित साह'

न्यूज ब्यूरो, जनकपुरधाम । विश्व महामारीको रुपमा फैलिएको कोरोना भाइरस र त्यसको रोकथामको लागि विश्व अहिले कसरत गरिरहेको छ ।

नेपालमा पनि कोरोना रोकथामको लागि सरकारले अथक प्रयास गरिरहेको अवस्थामा राष्ट्रिय जनस्वास्थ्य प्रयोगशालामा निडर भएर आफ्ना नागरिकको लागि अहोरात्र खटने प्रयोगशालाका डा. रञ्जित साह हुन् ।

सुरु सुरुमा चीनबाट विद्यार्थी ल्याउँदा डरले भागमभाग भएको बेलामा डा. साहले देखाएको साहस र निडरताले कोरोना सम्बन्धी परीक्षणको लागि एक शक्तिझै प्रकट भयो ।

कोरोना परिक्षण र नियन्त्रणमा महत्वपुर्ण भुमिका निर्वाह गरेको भन्दै प्रयोगशाला प्रमुख डा. रुना झालाई विश्वमै पाँच महिलामा पारिएपछि नेपालीहरुको लागि गौरवान्ति क्षण बन्यो ।

तर यस सफलतामा भने प्रयोगशाला भित्रका निडर भइ दिनरात परिक्षण गर्ने टिम र त्यसमा पनि डा. साहको अहम भूमिका रहयो र रहँदै आएको छ ।

उनका परिक्षण टिम पनि अहिले उतिकै खुसी र गौरबान्वित भएको छ ।

राष्ट्रिय जनस्वास्थ्य प्रयोगशाल अन्तर्गतको कोरोना भाइरस कोभिड १९ परिक्षण गर्ने निकाय नेशनल इन्फलुएन्जा सेन्टरको कन्सलटेन्ट माइक्रोबायोलोजिस्ट, परिक्षण टोलीको टिम लिडर डा. रञ्जित साह (सरुवा रोग विशेषज्ञ) नेपालमा कोरोना वारियर (कोराना विरुद्धको योद्धा) को रुपमा चिनिन थालिएको छ ।

साह उही डाक्टर हुन जो नेपालमा कोरोनाको आंशकामा सुरुमै चिनवाट विमानमा ल्याएका नेपालीहरुको परिक्षण टिमको अगुवाई गरे । त्यसवेला परिक्षणका लागि कोहि पनि अगाडि बढन हिम्मत नगरिरहेका वेला बनाइएको एक टिमको सदस्य भएर अगुवाई गर्दै उनले निडर भएर सवैको परिक्षण गरे र सुरक्षित घर पठाए ।

कोरोनाको यस महामारी विरुद्ध लडाइ गर्नको लागि, युद्ध गर्नको लागि मधेश मूलका नेपाली डा. रञ्जित साह प्रदेश नं. २ सिरहाको कल्याणपुर नगरपालिकाका वडा नं. ११ का वासिन्दा हुन् ।

करिव सात महिना भन्दा बढी देखि राष्ट्रिय जनस्वास्थ्य प्रयोगशालाको नेशनल इन्फलुएन्जा सेन्टरमा कन्सलटेन्ट माइक्रोबायोलोजिस्ट, टिम लिडरको रुपमा कार्यरत डा. रञ्जितको चर्चा अहिले चुलिएको छ ।

जेठादाई बालरोग विशेषज्ञ र कान्छी वहिनी पनि नेपालमै चिकित्सकिय पेशामै रहेको बताउदै डा. साह भन्नुहुन्छ, ‘सुरुमा मेरो काम जोखिमपुर्ण भएकाले मलाई केहि भएको खण्डा कम्तिमा एकजना दाई घरमा आवयश्क छ भन्ने लागरे दाईलाई काम छोडन लगाएर घर पठाइदिएको छु, तर भगवानको कृपा, अहिले सम्म म पनि सुरक्षित छु ।’

डा. साह अहिले दैनिक करिव १२ देखि १४ घण्टा सम्म अवेर रातीको तालिकामा परिक्षणमा व्यस्त हुन्छन् । नेपालमा अहिले सम्म करिव ७ हजार भन्दा माथीको कोरोना संक्रमण भए÷नभएको परिक्षण भएकोमा डा। साहले नै आधाजती परिक्षण गरेको बताइएको छ ।

अविवाहित डा। साह आफु्ले पढेका र जिवनको मुख्य काम नै सरुवा रोग विषयलाई बनाएकाले आफनो कर्तब्य र उतरदायित्वलाई बुझेरै घरपरिवारलाई सम्झाएर परिक्षणको काममा लागेको बताउछन् ।

डा. साहले पछिल्लो नेपालगंजको घटनाले नेपाल कारोना संक्रमणको तेस्रो चरणमा अव प्रवेश गरिसकेको गरेको देखिन्छ । वाहिरवाट आएकामा संक्रमण देखिनु पहिलो चरण, उनले आफनो परिवारजनमा संक्रमण फैलाउनु दोस्रो चरण र समाजमा संक्रमण देखिन थाल्नु तेस्रो चरण रहेको भन्दै डा. साहले अव संक्रमणको यर्थात रुप वाहिर आउने बताए । द्रुत गतिमा परिक्षणका लागि धेरै समस्याहरु रहेको उनी बताउछन् ।

नेपालको पहिलो संक्रमित व्यक्ति चिनवाट आएका विद्यार्थी धनुषाकै रहेको र उनको स्वाब परिक्षणका लागि हंकङ्ग पठाउदा पश्चिमी देशहरुमा पाइएको जस्तो आक्रमक किशिमको भाइरस नेदेखिएको समेत उनले बताए ।