भोलि सार्वजनिक विदा, साँझमा दीप प्रज्वलन गर्न सरकारको आह्वान

न्यूज ब्यूरो, काठमाडौं । सरकारले बुद्ध जयन्तिको अवसरमा बिहीबार सार्वजनिक विदा दिएको छ ।

वैशाख पूर्णिमारचण्डी पूर्णिमा र बुद्ध जयन्तिका दिन बिहीबार सार्वजनिक विदा दिने निर्णय भएको गृह मन्त्रालयले जनाएको छ । गृह मन्त्रालयले बिहीबार मुलुकभर सबैलाई लागू हुने गरी बिदा रहेको जानकारी गराएको हो ।

यस्तै, आज बसेको मन्त्रिपरिषद् बैठकले बुद्ध जयन्तिको अवसर र कोरोना भाइरसविरूद्ध लडिरहेका स्वास्थ्यकर्मी र सुरक्षाकर्मीको सम्मानमा भोलि साँझ दीप प्रज्वलन गर्न आह्वानसमेत गरेको छ ।