नेपालगञ्जका ३०० जना कोरोना शंकाको घेरामा, ट्रेसिङ थालियो

न्यूज ब्यूरो, नेपालगञ्ज । नेपालगञ्ज उपहानगरपालिकामा कन्ट्याक्ट ट्रेसिङ (संक्रमितसँग भौतिक सम्पर्क गरेकाको खोजी) का क्रममा तीन सय जना शंकाको घेरामा परेका छन् ।

सुरुमा संक्रमण पुष्टि भएका ६० वर्षीय पुरुषको सम्पर्कमा आएका व्यक्ति पछ्याउँदै जाँदा अन्य २२ जना संक्रमित प्रमाणित भएको नेपालगन्जमा फेरि ती संक्रमितको सम्पर्कमा आएकाहरूको ट्रेसिङ सुरु गरिएको हो ।

यस क्रममा मंगलबार साँझसम्म ४० जनाको स्वाब संकलन गरी परीक्षणका लागि प्रयोगशाला (भेरी अस्पताल) पठाइएको नेपालगन्ज उपमहानगरपालिकाका प्रमुख डा. धवलशमशेर राणाले जानकारी दिए ।

अहिले त्यहाँ धमाधम ट्रेसिङ र स्वाब संकलनको काम भइरहेको छ ।