तराईमा आज हावाहुरीको सम्भावना, सतर्क रहन आग्रह

न्यूज ब्यूरो, जनकपुरधाम । देशका विभिन्न स्थानमा आज (शनिबार) पनि मेघगर्जनसहित वर्षा हुने तथा हावाहुरी आउने सम्भावना रहेको मौसमविद्ले बताएका छन् ।

मौुसम पूर्वानुमान महाशाखाकी मौसमविद् विभूति पोखरेलका अनुसार आज देशका पहाडी भेगमा मेघगर्जन, चट्याङसहित असिना पानी पर्ने सम्भावना छ भने पश्चिम तथा पूर्वी तराईमा हावाहुरीसमेत आउने संकेत देखिएको छ ।

मौसम पूर्वानुमान महाशाखाले शनिबार बिहान ६ बजे आगामी २४ घण्टाका लागि चेतावनी तथा परामर्श जारी गर्दै सतर्कता अपनाउन आग्रह गरेको छ ।