दोस्रो चरणको राहत लिएर वडा वडा घुम्दै मेयर पँजियार

न्यूज ब्यूरो, जनकपुरधाम । धनुषाको क्षीरेश्वरनाथ नगरपालिकाका मेयर योगेन्द्र पँजियारले पहिलो चरणको राहत वितरण गरी दोस्रो चरणको राहत समेत बाँडेका छन् ।

विश्व महामारी रुपमा फैलिदै गएको कोरोना भाइरस कारण सरकारले गरेको लकडाउनबाट प्रभावितहरुको लागि राहत वितरण गरिएको हो ।

दोस्रो चरणको राहत करिब नगरपालिका भरिमा ६ हजार सम्ममा दोस्रो चरणको राहत बाडिएको नगर प्रमुख योगेन्द्र पंजियारले बताए ।

आज (शुक्रबार) क्षिरेश्वरनाथ नगरपालिका ८ मा ६ सय २५ जनालाई राहात बाँडिएको वडा अध्यक्ष अशेश्वर महतोले बताए ।

राहत लिने आउने प्रत्येक ब्यक्ति लाई थर्मल गनले चेकअप गर्दै राहत बाँडिएको हो । स्थानीय तहमा दोस्रो चरणको राहत वितरण गर्ने स्थानीय तहमा अग्रपन्तीमा रहेको छ ।