विदेशबाट आएकालाई कोरोना परीक्षणको दायरामा आउन आग्रह

न्यूज ब्यूरो, काठमाडौं । सरकारले विदेशबाट आई घरमै बसेका व्यक्तिहरुलाई कोरोना परीक्षणको दायरामा आउन अपिल गरेको छ ।

स्वास्थ्य मन्त्रालयका प्रवक्ता विकास देवकोटाले परीक्षण नगराउँदा समाजलाई नै संक्रमणको जोखिम हुने भएकाले शंका लागेका व्यक्तिहरुलाई नहिचकिचाई परीक्षणको दायरामा आउन आग्रह गरेका हुन् ।

उनले विदेशबाट आएका र कोरोना संक्रमणको शंका लागेका व्यक्तिहरु समाजको डरले लुकेर बसेको जानकारीमा आएको बताए । देवकोटाका अनुसार नेपालमा बुधबारसम्म ५४ हजार ८ सय २६ जनाको कोरोना भाइरस परीक्षण गरिएको छ ।