प्रदेश नं १ मा कोरोना सँक्रमित सँख्या ३१ पुग्यो

न्यूज ब्यूरो, विराटनगर । प्रदेश नं.१ मा हालसम्म पाँच हजार ८०९ जनाको कोरोना परीक्षण भएको छ ।

प्रदेश सरकारका अनुसार द्रूत परीक्षण (आरडिटी) बाट कूल चार हजार ८ सय २८ जना र ल्याबमा स्वाब ल्याएर गरिने परीक्षण (पिसीआर) विधिबाट ९ सय ८१ जनाको नमूना परीक्षण भएको छ ।

प्रदेशमा ३१ जनालाई कोरोना सङ्क्रमण देखिएको छ भने दुई हजार ९२ जना क्वारेन्टाइनमा छन् ।

प्रदेश सरकारले स्थापना गरेको कोरोना उपचार कोषमा रु. २८ करोड ८२ लाख ९७ हजार ५४ जम्मा भएको मुख्यमन्त्रीका प्रेस सल्लाहकार ध्रुव सुवेदीले जानकारी दिनुभयो ।

देशभरिबाट अहिलेसम्म जम्मा १० हजार ४ सय ७१ जनाको पिसिआर परीक्षण गरिएको छ । जसमध्ये ५२ जनामा सँक्रमण देखिएको छ भने १६ जना निको समेत भएका छन् ।