थप एक कोरोना सँक्रमित थपिए, सँख्या ५२ पुग्यो !

न्यूज ब्यूरो, जनकपुरधाम । स्वास्थ्य तथा जनसँख्य मन्त्रालयले आज साँझ पुनः थप एक जनामा कोरोना पुष्टि भएको बताएको छ ।

आज दिउँसोसम्म जम्मा ५१ सँख्या रहेकोमा साँझ एक जना थपिएपछि सँख्या ५२ पुगेको हो ।

स्वास्थ्य तथा जनसँख्या मन्त्रालयले जारी गरेको प्रेस विज्ञप्तिमा आज साँझ कोशी अञ्चल अस्पताल विराटनगर भएको जाँचको क्रममा झापाका एक ५० बर्षिय पुरुषमा कोरोना पुष्टि भएको हो ।

चिकित्सकहरुलाई उदृत गर्दै मन्त्रालयले कोरोना पुष्टि भएको पुरुषको स्वास्थ्य अवस्था समान्य रहेको र उपचारमा राखिएको हो । यसका साथै १६ जना अहिलेसम्म निको भएर घर फर्केका हुन् ।

९ हजार ९ सय ३२ जनामा गरिएको पिसिआर परीक्षणमा ५२ जना सँक्रमित भेटिएको हो । त्यसमा बढी विदेशीहरु मात्र रहेका छन् । अहिले पनि १ सय १० जनालाई आइसोलेशन वार्डमा राखिएको छ ।