पूर्वसचिव उपाध्यायविरुद्ध साइबर क्राइमको मुद्दा दर्ता

न्यूज ब्यूरो, काठमाडौं । पूर्वसचिव भीम उपाध्यायमाथि साइबर क्राइमको मुद्दा दर्ता भएको छ ।

प्रहरी सरकारी वकिलको कार्यालयमार्फत जिल्ला अदालत, काठमाडौंमा विद्युतीय कारोबार ऐन २०६३ अनुसार मुद्दा दायर गरेको हो ।

उनलाई ५ वर्षसम्म कैद सजाय माग गर्दै मुद्दा दायर भएको अदालतका श्रेश्तेदार आनन्द श्रेष्ठले जानकारी दिए । पूर्वसचिव उपाध्याय प्रधानमन्त्री तथा केहि मन्त्रीहरुको विरोधमा सामाजिक सञ्जालमा लेखेपछि पक्राउ परेका थिए ।