वीरगञ्जमा उपचाररत चारजना संक्रमित कोरोनामुक्त, आजै डिस्चार्ज गर्ने तयारी

न्यूज ब्यूरो, वीरगञ्ज । वीरगञ्जस्थित नारायणी अस्पतालका चार जनाको पीसीआर परीक्षणको चौथो रिपोर्ट नेगेटिभ आएको छ ।

छपकैयाको मक्की जामे मस्जिदमा बसेका तीन भारतीय र रौतहटका एक युवक गरी चार जनाको पीसीआर परीक्षणको चौथो रिपोर्ट नेगेटिभ आएको हो ।

पीसीआर परीक्षणका लागि चार जना संक्रमितको स्वाबको नमुना संकलन गरी शुक्रबार हेटौंडास्थित प्रादेशिक प्रयोगशाला पठाइएको थियो । शनिबार साँझ रिपोर्ट नेगेटिभ आएको जानकारी प्रयोगशालाले अस्पताललाई दिएको छ ।

चारै जनाको चौथो रिर्पाेट पनि नेगेटिभ आएपछि उनीहरूलाई आज (आइतबार) डिस्चार्ज गरिने अस्पतालका मेडिकल सुपरिटेन्डेन्ट डा. मदन उपाध्यायले जानकारी दिए ।