प्रदेश २ को सबै जिल्लामा कोरोना परीक्षणको लागि विज्ञ परिचालन

न्यूज ब्यूरो, जनकपुरधाम । प्रदेश २ का आठवटै जिल्लामा कोरोनाका शंकास्पद ठानिएकाका स्वाब संकलन गरी परीक्षण गर्न विज्ञ परिचालन गरिएको छ ।

नेपाली सेना, मेडिकल ल्याब एसोसिएसन अफ नेपाल (मेलान) र इडिसिटीबाट आएका प्राविधिक टोलीले स्वाब संकलन सुरु गरेका हुन् ।

प्रदेश २ को सामाजिक विकास मन्त्रालयका सचिव रामप्रसाद घिमिरेले काठमाडौंबाट आएका ६ र जनकपुरका २ गरी आठ टोली शंकास्पद ठानिएका एक हजार पाँच जनाको स्वाब संकलनमा खटिएको जानकारी दिए ।

शनिबारदेखि सिरहाको लहान, गोलबजार, मिर्चैया, कल्याणपुर र सिरहा नगरपालिकाको क्वारेन्टाइनमा रहेकाको स्वाब संकलन सुरु गरिएको छ । प्रदेश २ मा हालसम्म पाँच जना संक्रमित देखिएका छन् ।