लकडाउनमा डा. पँजियारको घर घर पुगेर राशन

न्यूज ब्यूरो, जनकपुरधाम । जनमत चिकित्सक संघका उप–सँयोजक तथा प्रवक्ता डा. विनय पँजियारले काठमान्डौंको विभिन्न ठाउँमा राहत वितरण गरेका छन् ।

लकडाउनका कारण काठमान्डौंको विभिन्न ठाउँमा टोल टोलमा पुगेर आवश्यक एवम् लक्षित वर्गलाई राहत दिने गरेका छन् । उनका टोलीले सो कार्य थालेका छन् ।

सोही क्रममा शनिबार मात्र काठमान्डौंको इमाडोल, राधे–राधे, कोटेश्वर लगायतका ठाउँमा राहत वितरण गरेका हुन् ।

कोई भोकै नबसोस लक्ष्यका साथ शनिबार विभिन्न ठाउँमा २ क्वीन्टल चामल, २५ किलो दाल, ५० किलो आलु तथा अन्य समाग्रीहरु समेत वितरण गरेका हुन् ।

जरुरतमन्द व्यक्तिहरुलाई आवश्कता अनुसार घरसम्म गएर राहत दिने गरेको डा. पँजियारले बताए । आपतकालिन अवस्थामा लकडाउनलाई पालना गर्दै तथा गराउँदै राहत वितरणमा जोड दिएका हुन् ।

उनीसँग उनकी श्रीमति सबिता सहित अन्य टोली सदस्यहरुले राहत वितरण सुरु गरेका छन् । उनले विद्यार्थीहरुलाई परेको बेला आफूलाई सम्पर्क गर्न पनि अनुरोध गरेका हुन् ।