टेन्सनमा ओली, अध्यादेश फिर्ता लिने मुडमा  !

न्यूज ब्यूरो, जनकपुरधाम । देशमा महामारीको बेला नै अध्यादेश जारी गरी आफैं फँसेका नेकपामा अध्यक्ष केपी शर्मा ओली यतिबेला तनावमा देखिएका हुन् ।

सत्तासिन नेकपा नै फुट्ने गृहकार्य सुरु भएपछी प्रधानमन्त्री समेत रहेका ओली आफैंले जारी गरेको अध्यादेश फिर्ता लिने मुडमा गएका हुन् ।

तत्कालिन समाजवादी पार्टी र राष्ट्रिय जनता पार्टीलाई फुटाएर प्रदेश नं. २ मा हुकुमत चलाउने योजना विफल भएपछि अध्ययादेश फिर्ताको मनसाय बनाएको बुझिएको छ ।

नेकपाका अर्का अध्यक्ष पुष्पकमल दहाल प्रचण्ड पार्टी अध्यक्ष र माधव कुमार नेपालको नेतृत्वमा नयाँ सरकार बन्नेगरि गृहकार्य सुरु भएपछि आफैले जारी गरेको अध्यादेशबाट पछि हटन लागेको हो ।

प्रचण्ड, माधव नेपाल सहितको टोली सहित नेपाली काँग्रेस समेत एकजुट हुने भएपछि ओली पछि हटेको बुझिएको छ । राजनीतिमा दिग्ग्ज मानिएका प्रधानमन्त्री ओली यसपाली आफैंले जारी गरेको अध्ययादेशको जालोमा पर्न थालेका हुन् ।

प्रधानमन्त्रीले कानूनविदहरुसँग परामर्श गर्ने र अध्यादेश फिर्ता लिने बताएको स्रोतको भनाइ छ । संविधानको धारा ११४ (२०)- "ख" मा प्रधानमन्त्रीको सिफारिसमा राष्ट्रपतिले अध्यादेश जुनसुकै बेलामा फिर्ता लिन सक्ने प्रावधान छ ।

सरकारले मंगलबार मात्र राजनीतिक दल फुटाउन सहज हुने गरी अध्यादेश ल्याएको थियो । तर यसको पार्टीभित्र र बाहिर चौतर्फी विरोध भइरहेको छ ।

स्वयंम नेकपाका २० जना स्थायी कमिटी सदस्यले पछिल्लो राजनीतिक घटनाक्रमको छलफल गर्न स्थायी कमिटी बैठक माग गर्दै अध्यक्षद्धयलाई लिखित पत्र बुझाएका छन् ।