निर्वाचन आयोगमा दर्ता भयो 'जनता समाजवादी पार्टी'

न्यूज ब्यूरो, काठमाडौं । समाजवादी र राजपा मिलेर बनेको जनता समाजवादी पार्टी निर्वाचन आयोगमा दर्ता भएको छ ।

दुवै दलका अध्यक्षसहितका नेताहरु कान्तिपथस्थित आयोगको कार्यालयमा पुगेर औपचारिक रुपमा पार्टी दर्ता गराएका हुन् । पार्टीका नेता राजेन्द्र महतोले आफूहरुले पार्टी एकताको जानकारी निर्वाचन आयोगमा गराएको र एकताको बाँकी प्रक्रिया पछि पूरा गर्ने बताए ।

बुधबार राति समाजवादी र राजपाबीच पार्टी एकता भएको थियो । एकतापछि नयाँ पार्टीको नाम ‘जनता समाजवादी पार्टी’ राखिएको हो ।

झण्डा समाजवादीको र चुनाव चिन्ह राजपाको प्रयोग गर्ने सहमति भएको छ । नेताहरुको पद बाँडफाँट भने गरिएको छैन ।