'अध्यादेश' को बहानामा देश लुटने योजना मात्र : नेता साह

न्यूज ब्यूरो, जनकपुरधाम । राष्ट्रिय जनता पार्टी नेपालका केन्द्रीय सदस्य एवम नेता सँजय साहले सरकारले अध्यादेश ल्याएर संघीयतालाई खारेजीको दाउ लगाएको बताउनुभएको छ ।

राष्ट्र एक ढिक्का भई लाग्नु पर्ने बेला दल बिभाजनको कल्पना गर्न पनि नसिकने अवस्थामा अध्यादेश तत्कालको लागि संघीयता उपरको प्रथम प्रहार रहेको बताउनुभएको छ ।

पार्टी फुटाउन सजिलो गराउने अध्यादेश जता लक्षित भएपनि सर्वथा गलत भएको धारणा उहाँको छ । “यस्तो संकटकालिन अबस्थामा मौसमका हिसाबले पनि झनै गलत छ ।”– उहाँले भन्नुभयो ।

स्थिर सरकारको जगमा न्याय, समानता सहितको सम्बृद्ध नेपालको एजेन्डामा झन्डै दुई तिहाईले अनुमोदित भएर बनेको नेकपाको सरकार यसरी “केटाकेटी” निर्णयमा आइपुग्नु आफैमा ताजुब लाग्दो रहेको बताउनुभएको छ ।

न्यूज ब्यूरोसँगको कुराकानीमा नेता साहले नेपाली जनताहरुले राजनैतिक पार्टीहरुको पटक–पटक जनता माथिको धोका र गद्दारीलाई माफ नगर्ने चेतावनी समेत दिनुभएको हो ।

कम्युनिष्ट पार्टीलाई नेपाली जनताले दिएको अभिमत अस्थिरताको विरुद्ध थियो, तर देश कोरोनाको महामारी बाट प्रताडित भै रहेको अबस्थामा यो बेमौसमी बाजा बजाउनुको कुनै तुक छैन ।”– उहाँले भन्नुभयो ।

राजपा नेपालको सहकारी विभागका केन्द्रीय सँयोजक समेत रहेका नेता साहले पार्टी फुटिहाले पनि खासै नौलो कुरा नहुने बताउनुभयो । उहाँले उनीहरु पार्टी गठन गरेकै संख्याको भरमा देश लुटनको लागि सुनुयोजित योजना मात्र रहेको बताउनुयो ।

४० प्रतिशत भए लोकतान्त्रिक हुने ३९ प्रतिशत भए अलोकतान्त्रिक हुने कुनै बैज्ञानिक आधार नभएको बताउँदै उहाँले भन्नुभयो– “त्यसो त पार्टीको आधारभुत र धेरै जसो कुरामा मत नमिले पछि एउटालाई पनि छुट्टिने अधिकार दिनु पर्दैन।