कोरोना कहरमा रगत अभाव हुन नदिन धनुषामा रक्तदान

न्यूज ब्यूरो, धनुषा । विश्वभर महामारीको रुपमा फैलिएको कोरोना भाइरस (कोभिड १९) को कहरमा रगत अभाव हुन नदिन धनुषामा रक्तदान गरिएको छ ।

धनुषाको मिथिला नगरपालिका ८ कुसुम बिसौनामा आइतबार रक्तदान गरिएको हो । सामाजिक दुरी कायम गर्दै गरिएको रक्तदान कार्यक्रममा जम्मा २० जनाले रक्तदान गरेका छन् ।

लकडाउनमा रगतको अवाभ सिर्जना भएको भन्दै अभाव पूर्ति होस् भन्ने उद्देश्यले रक्तदान गरिएको कार्यक्रमका संयोजक विजय कुमार महतोले जानकारी दिए ।