आज चट्याङ र हावाहुरीको सम्भावना, सतर्क रहन आग्रह

न्यूज ब्यूरो, काठमाडौं । देशका विभिन्न स्थानमा आज हावाहुरी आउने र चट्याङ पर्ने सम्भावना रहेको मौसम पूर्वानुमान महाशाखाले जनाएको छ ।

विशेषगरी आज देशका पूर्वी र मध्य क्षेत्रका केही स्थान र पश्चिमका थोरै स्थानमा हावाहुरी, मेघगर्जन र चट्याङको सम्भावना रहेको मौसम पूर्वानुमान महाशाखाकी मौसमविद् मञ्जु बासीले जानकारी दिइन् ।

उनका अनुसार आज त्यस्तो ठूलै खालको हावाहुरी नआए पनि सामान्यभन्दा अलि बलियै खालको आउने सम्भावना छ । उनले सतर्क रहन सबैलाई आग्रह गरेकी छिन् ।