प्रदेश २ सरकारको कोरोना कोषमा सेन्चुरी बैंकको ५ लाख सहयोग

न्यूज ब्यूरो, जनकपुरधाम । प्रदेश २ सरकारको कोरोना नियन्त्रण तथा राहत कोषमा सेन्चुरी कमर्सियल बैंकले ५ लाख रुपैयाँ सहयोग गरेको छ ।

कोरोना भाइरस नियन्त्रण रोकथाम, उपचार तथा राहतका लागि प्रदेश सरकारले स्थापना गरेको राहत कोषमा मंगलबार बैंकले ५ लाख सहयोग गरेको हो । प्रदेशका मुख्यमन्त्री लालबाबु राउतलाई बैंकका जनकपुर शाखाका प्रमुख नविन कुमार झाले सो रकमका चेक हस्तान्तरण गरेका हुन् ।

कोरोना रोकथाममा संघीय तथा प्रदेश सरकारलाई सहयोग गर्ने उद्देश्यबमोजिम प्रदेश सरकारलाई सहयोग गरेको बैंकका प्रदेश प्रमुख सौरभ चौधरीले बताए ।